(फाइल तस्बिर)
बागलुङ : जिल्लाको काठेखोला गाउँपालिका वडा नम्बर ५ बिहुँमा भिरबाट लडेर एक जनाको मृत्यु भएको छ ।
काठेखोला गाउँपालिका वडा नम्बर ५ को धौरियाको भिरमा घाँस काट्ने क्रममा लडेर बिहुँका ईन्द्रबहादुर पुनको मृत्यु भएको स्थानीयले जानकारी दिएका छन् । बिहान साढे ८ बजेको समयमा घाँस काट्दै गर्दा भिरबाट लडेको पारीपट्टी सुनापोखरीका स्थानीयले देखेपछि उद्धार गर्दा गर्दै उनको मृत्यु भएको बताईएको छ ।
तीन पाँजा घाँस काटेर चौथो पाँजा घाँस काट्दै गर्दा लडेका उनको टाउको गम्भीर चोक लागेको बताईएको छ । जिल्ला प्रहरी कार्यालय बागलुङले भने घटनाबारे जानकारी आएपछि प्रहरी टोली घटनास्थलतर्फ गएको जानकारी दिएको छ ।
