आज (शनिबार) विश्व ध्यान दिवस, नेपालमा पनि विभिन्न धार्मिक, आध्यात्मिक, सांस्कृतिक एवं सामाजिक संस्थाले मनाइरहेका छन् ।
संयुक्त राष्ट्रसंघको महासभाले २०२४ डिसेम्बर ६ का दिन डिसेम्बर २१ लाई विश्व ध्यान दिवस घोषणा गरेकाले यो दिवस मनाइएको हो ।
राष्ट्रसंघले ऐतिहासिक मान्यता दिई हरेक वर्ष डिसेम्बर २१ मा विश्व ध्यान दिवस मनाउने भनी गरेको निर्णयलाई यस क्षेत्रमा काम गर्ने विभिन्न संस्थाले स्वागत गरेका छन् । नेपाल सरकारले पनि आज ध्यान दिवसका अवसरमा काठमाडौँस्थित टुँडिखेलमा ध्यान कार्यक्रम आयोजना गरेको छ । सो कार्यक्रममा प्रधानमन्त्री केपी शर्मा ओली पनि सहभागी भएका छन् ।
