सागर भण्डारी, गुुल्मी । गुल्मीमा जंगली च्याउ सेवन गर्दा ३ जना बिरामी परेका छन् । जिल्लाको ईस्मा गाउँपालिका ६ बुल्मका ३९ वर्षीय सरिता कुमाल सोही ठाउँका ११ वर्षीय बिमल कुमाल र ८ वर्षीय सुस्मा कुमाल जंगली च्याउ खाँदा बिरामी परेका हुन् ।
जंगली च्याउ खाई बिरामी भएका उनीहरु तिनै जनालाई उपचारका लागि मिसन अस्पताल पाल्पा लगिएको जिल्ला प्रहरी कार्यालय गुल्मीका सुचना अधिकारी प्रहरी नायब उपरीक्षक डिल्लीनारायण पाण्डेले जानकारी दिनुभयो ।
घाईते तिनै जनाको अवस्था मध्यम रहेको प्रहरीको भनाई छ ।
