बाल यौन दुराचारको मुद्दामा रामबहादुर बम्जनले सफाइ पाएका छन् ।
उच्च अदालत जनकपुरले बाल यौन दुराचारको मुद्दामा बम्जनलाई सफाइ दिएको हो ।
न्यायाधीशद्वय खेमराज भट्ट र नरिश्वर भण्डारीको संयुक्त इजलासले सर्लाही जिल्ला अदालतको फैसला बदर गर्दै बम्जनलाई सफाइ दिने फैसला गरेको हो ।
अदालतले चैत ६ गते नै बम्जनलाई सफाइ दिएको उच्च अदालत जनकपुरका उपरजिष्ट्रार सुशिल यादवले जानकारी दिए ।
अदालतले सफाइ दिएसँगै उनलाई चैत ७ गते कारागारमूक्त गरिएको उनले बताए । बम्जनसँगै ज्ञानबहादुर र डिगबहादुर बम्जनलाई सफाइ दिएको उनले बताए ।
उक्त फैसलाको पूर्ण पाठसमेत सार्वजनिक भइसकेको छ । अदालतले सफाइ दिएसँगै उनी सिन्धुपाल्चोक कारागारबाट छुटिसकेका छन् ।
आफूलाई तपस्वी बताउने रामबहादुर बम्जनन २०८० पुस २४ गते पक्राउ परेका थिए । बमजनले आफ्ना अनुयायीहरुमाथि बलात्कार र हत्या हिंसा गरेको आरोप लागेको थियो । बम्जनमाथि बिभिन्न जिल्लाका केही मानिसलाई वेपत्ता पारेको आरोप समेत लागेको थियो ।
https://drive.google.com/file/d/1_23bZANKvNcMZ_inIOzWEEpW6xMSSSG8/preview
