बागलुङ : बागलुङको गलकोट नगरपालिकाले सडकको मापदण्ड विपरित निर्माण भएका अवैध संरचनामा डोजर चलाएको छ ।
नगरपालिकाले हटिया, हरिचौर ताराखोला हुँदै म्याग्दी जोड्ने सडक अन्तर्गत राजाको पुलदेखि गौँदिखोला पुल सम्मको सडक मिचेर बनाईएका अवैध संरचनाहरु भत्काईएको गलकोट नगरपालिकाका नगर प्रमुख भरत शर्मा गैरेले जानकारी दिनुभयो ।
९ मिटर मापदण्ड रहेको उक्त सडकमा बनेका अबैध संरचनाहरु जनप्रतिनिधि, प्रहरी प्रशासन र स्थानीयको सहयोगमा अभियानलाई अगाडि बढाईएको गलकोट नगरपालिकाका नगर उपप्रमुख फमलाल निउरेले बताउनुभयो ।
नगरपालिकाले यस अघि अवैध संरचना हटाउनको लागि आग्रह गर्दै ३५ दिने सार्वजनिक सुचना प्रकाशन गरेको थियो ।
दास्रो चरणमा नगर भित्र रहेका अन्य वडामा यो अभियानलाई सबैसँग समन्वय गरेर निरन्तर अगाडि बढाईने गलकोट नगरपालिकाले जनाएको छ । रेडियो गलकोट
