काठमाडौँ । नेकपा एमालेका सांसद सूर्य थापाले संसदभित्र ‘राजा’ सम्बोधन नगर्न सभामुखबाट रुलिङको माग गरेका छन् । आज संसद बैठकमा बोल्दै उनले राजसंस्था पुनर्स्थापनाको माग गर्नेहरूलाई पटमूर्खको संज्ञा दिए ।
थापाले पूर्वराजा ज्ञानेन्द्रलाई फेरि नारायणहिटी फर्किने सपना नदेख्न आग्रह गरे । केही असन्तुष्ट र भड्किएका आत्माले हुइया मच्चाउँदैमा राजा नफर्किने उनको टिप्पणी छ ।
‘राजाको छोरा राजा हुने दिन गए, अब सम्झिने पानी छम्किने हो’, उनले भने ।
