काठमाडौं । मेडिकल व्यवसायी दुर्गा प्रसाईंले देश बचाउनका लागि राजतन्त्र फर्काउनुको विकल्प नरहेको बताएका छन् । शुक्रवार आफ्नै निजी निवास भक्तपुरमा आयोजित पत्रकार सम्मेलनमा बोल्दै उनले सो कुरा बताएका हुन् ।
पत्रकार सम्मेलनमा प्रसाईंले नेताहरूका घुँडा भाँच्नुका साथै गाउँगाउँबाट लखेट्नुपर्ने समेत बताए ।
‘२५ गते राजा आउँदै हुनुहुन्छ । नेपालभरिबाट स्वागत गर्न एयरपोर्ट जाऔँ’, ‘अब नेताको घुँडा भाँच्नुपर्छ । गाउँगाउँ र सहर सहरबाट लखेट्नुपर्छ,’उनले भने ।
अहिलेको समय राजा र दुर्गा प्रसाईंको भएको चर्चा गर्दै उनले राजाले जसरी रक्तपातविहिन दरबार छाडेझैँ नेताहरूलाई बालुवाटार र सिंहदरबार छोड्न आग्रह समेत गरे ।
नेताहरूको छातीमाथि कुल्चेर राजा आउने प्रसाईंको भनाई थियो ।
