सागर भण्डारी,गुल्मी । गुडिरहेको ट्याक्टरको ट्रलीबाट खसेर मुसिकोटमा एक जनाको मृत्यु भएको छ ।
मुसिकोट नगरपालिका वडा नं ४ स्थित रातचौरमा रा १ त ४८५८ नं को ट्याक्टरको ट्रलीबाट खसेर सोही ठाउँका २६ वर्षीय नारायण नगरकोटीको ज्यान गएको हो ।
ट्याक्टरको ट्रलीबाट खसेर घाईते भएका उनको उपचारको क्रममा पाल्पा स्थित लुम्विनी मेडिकल कलेज प्रभास पाल्पामा मृत्यु भएको जिल्ला प्रहरी कार्यालय गुल्मीका प्रहरी नायव उपरिक्षक माधवराज खरेलले जानकारी दिनुभयो ।
ट्याक्टरका चालक हिमाल बिक्रम खत्रीलाई पक्राउ गरी आवश्यक अनुसन्धान हुँदै गरेको उहाँले बताउनुभयो ।
