बडिगाड अनलाइन । बडिगाडमा नेकपा एमाले निकट २ भातृ संस्थाको सयुंक्त भेला सम्पन्न भएको छ ।
बडिगाड ५ ग्वालिचौरमा सम्पन्न मदन भण्डारी स्पोर्टस एकेडेमी र राष्ट्रिय युवा सघंको भेलाबाट नयाँ कार्यसमिति सर्वसम्मत चयन गरिएको छ ।
नवगठित समिति अन्तर्गत युवा संघको अध्यक्षमा समर बुढा सर्वसम्मत चयन हुनुभएको छ । भेलाले बुढाको अध्यक्षतामा ५१ सदस्यीय नयाँ कार्यसमिति सर्वसम्मत चयन गरेको हो । त्यस्तै मदन भण्डारी स्पोर्टस् ऐक्याडेमीमा समीर आचार्यको अध्यक्षतामा ३३ सदस्यीय नयाँ नेतृत्व सर्वसम्मत चयन भएको बताईएको छ ।
भेलालाई बिशिष्ट अतिथिको रुपमा प्रदेश कमिति सदस्य गुनानिधि घिमिरे, वसन्त थापा , प्रेम खरेल, तिर्थमणि भुषाल, गाउँपालिका अध्यक्ष मेहरसिह पाइजा, जिल्ला सचिव बिष्णु भुषाल, मदन भण्डारी स्पोर्टस एकेडेमिका केन्द्रीय सदस्य एवम् जिल्ला कमिटी सदस्य राजन कुमार पाईजा लगायतले सम्बोधन गर्नुभएको थियो ।
सम्बोधनका क्रममा उहाँहरुले नव निर्वाचित समितिलाई बधाई एवम् सफलताको शुभकामना व्यक्त गर्दै भातृ संस्था बलियो भए पार्टी पनि बलियो हुने भएकाले सशक्त भएर लाग्न आग्रह गर्नुभयो ।
हितमान शेरचनको अध्यक्षता रहेकोे कार्यक्रमको सञ्चालन भानु पौडेलले गर्नुभएको थियो ।
