गुल्मी: विश्वव्यापी रूपमा फैलिएको कोरोना भाइरस मुसिकोट नगरपालिकामा पनि समुदाय स्तरमा व्यापक रूपमा देखिए पछि मुसिकोट नगरपालिका वडा नं. ७ को क्षेत्र १ हप्ताका लागि पूर्ण रूपमा शिल गरिएको छ।
मुसिकोट नगरपालिकामा पछिल्ला केही दिन यता संक्रमित हुनेको दर तिव्र रूपमा बढी रहेको छ। हाल सम्म नगरपालिकामा दोस्रो कोरोनाको लहरबाट ९५ जना संक्रमित भई सकेका छन भने ३ जनाको मृत्यु भइ सकेको छ।
जिल्ला प्रशासन कार्यालयले जेठ ४ गते सम्म निषेधाज्ञा जारी गरेता पनि पूर्ण रूपमा बन्द हुन नसकेकोले मुसिकोट नगर कार्यपालिकाको निर्णयानुसार आज देखि लागु हुने गरी ७ दिनको लागि वडा नं. ७ को क्षेत्र पूर्ण रूपमा बन्द गरिएको हो।
