काठमाडौँ । विभिन्न ठाउँमा भइरहेका प्रदर्शनका कारण काठमाडौँको ट्राफिक व्यवस्थापन अस्तव्यस्त बनेको छ ।
मंगलबार दिउँसो काठमाडौँको नयाँ बानेश्वर-माइतीघर सडक खण्ड, बल्खु क्षेत्र, शान्तिबाटिका-बालुवाटार सडक खण्ड र जावलाखेल-माइतीघर सडक खण्डमा प्रदर्शन भइरहेको छ ।
जसका कारण यी क्षेत्रका सवारीसाधन आवतजावतमा समस्या भएको हो ।
नयाँ बानेश्वरदेखि माइतीघर मण्डलासम्म शिक्षकहरूले प्रदर्शन गरिरहेका छन् । त्यस्तै, बल्खु क्षेत्रमा राष्ट्रिय प्रजातन्त्र पार्टी (राप्रपा) ले प्रदर्शन गरिरहेको छ ।
उता, शान्तिबाटिका-बालुवाटार सडक खण्डमा सहकारी, लघुवित्त, बैंक तथा मिटरब्याज पीडितहरूले प्रदर्शन गरिरहेका छन् ।
राष्ट्रिय जनमोर्चाले भने जावलाखेलबाट जुलुस निकालेर अहिले माइतीघरतर्फ अघि बढिरहेको छ ।
