प्रहरीले ३ अर्ब ४ करोड रकम बराबरको अनलाइन (जुवा) सट्टाबाजी गर्ने र गराउने समूहलाई पक्राउ गरेको छ ।
प्रहरीको काठमाडौँ उपत्यका अपराध अनुसन्धान कार्यालय, टेकु बाट खटिएको टोलीले बेटिङ एप्स मार्फत विश्वभर सञ्चालन भइरहेका अनलाईन गेमहरु विभिन्न बेटिङ वेभसाईटको प्रयोग गरी भारतिय बेटिङ खेल्ने एजेण्टसंग सम्पर्क गरी खेल्ने र खेलाउने गरेको सूचनाको आधारमा उनीहरुलाई पक्राउ गरेको हो ।
ललितपुरको सानेपा स्थित एक भाडाको घरमा बसिरहेको अवस्थामा १० भारतिय र १४ जना नेपाली सहित २४ जनालाई पक्राउ गरेको हो । उनीहरुबाट ५७ थान मोवाईल, विभिन्न कम्पनीका १३ ल्यापटप, विभिन्न बैंकको एटिएम ३४ थान, सिमकार्ड ८८ थान, चेक बुक १२ थान, आधार कार्ड ८ थान र राहदानी ६ थान बरामद गरेको प्रहरी उपरीक्षक काजी कुमार आचार्यले जानकारी दिएका छन् ।
