नेपाल प्रिमियर लिग (एनपिएल) मा पोखरा एभेन्जर्सले लुम्बिनी लायन्सलाई १० विकेटले हराएर पहिलो जित हात पार्दा केही नयाँ रेकर्डहरू बनेका छन् ।
एन्ड्रेस गाउस एनपिएलमा शतक प्रहार गर्ने पहिलो खेलाडी बनेका छन् । उनले ५४ बलमा १२ चौका र ५ छक्कासहित १०० रन बनाए ।
एन्ड्रेस गाउसले १०० रन जोड्ने क्रममा सर्वाधिक छिटो अर्धशतक पनि बनाए । उनले २० बलमा अर्धशतक पूरा गरे ।
गाउस र दिनेश खरेलले सर्वाधिक रनको साझेदारी पनि बनाए । उनीहरूले पहिलो विकेटको लागि अविजित १७० रनको साझेदारी गरे। यसअघि जनकपुरका लाहिरु मिलन्था र हर्ष ठाकरेले विराटनगरविरुद्ध तेस्रो विकेटका लागि अविजित १ सय १६ रनको साझेदारी गरेका थिए ।
साथै जारी एनपिएलमा विकेटको आधारमा १० विकेटको जित सर्वाधिक अन्तरको जित पनि बनेको छ ।
