नुवाकोटको सुर्यचौरमा दुर्घटनाग्रस्त एयर डाइनेस्टीको हेलिकप्टर लुक्लाबाट फर्किए लगत्तै रसुवा उडेको खुलेको छ । कम्पनीका म्यानेजर बालकृष्ण पण्डितका अनुसार दुर्घटना हुनुअघि ९एन एजेडी हेलिकप्टर लुक्लाबाट काठमाडौँ आएको थियो ।
सबै कण्डिसन राम्रो रहेकै अवस्थामा हेलिकप्टर १ः३० बजे त्रिभुवन अन्तर्राष्ट्रिय विमानस्थलबाट रसुवाको स्याप्रुबेसी उडेको थियो ।
काठमाडौँबाट ४ जना चिनियाँ नागरिक लिएर रसुवा उडेको हेलिकप्टरले उताबाट ५ जना यात्रु लिएर काठमाडौँ फर्किने तालिका रहेको पाण्डेले रातोपाटीसँग बताए ।
तर, हेलिकप्टर उडेको करिब तीन मिनेटमा नै दुर्घटनामा परेको जानकारी प्राप्त भएको उनले बताए । थप विवरण घटनास्थलबाट जानकारी आएपछि भन्न सकिने उनले बताए ।
