जीवन पाण्डे,बडिगाड । बडिगाड गाउँपालिकाले निर्माण गरेको क्वारेन्टाईनमा बसेकाहरुलाई खाजा खुवाइएको छ । गाउँपालिकाको वडा नं ५ स्थित भानु माध्यमिक विद्यालयमा बसेका ५० जनालाई दिउँसोको खाजा स्वरुप सेलरोटी तरकारी अचार सहितको खाजा वितरण गरिएको हो ।
वडा नं ५ बालुवा स्थित रुद्रावती आमा समुहले क्वारेन्टाईनमा बसेकाहरुलाई खाजा वितरण गरेको हो । आपतकालिन अवस्थामा सरकारमात्र नभई जनताको पनि आफ्नो जिम्मेवारी हुने भएकाले खाजा उपलब्ध गराएको समुहले जनाएको छ । क्वारेन्टाइनमा नास्ता उपलब्ध गराएकोमा क्वारेन्टाइनमा बसोबास गर्ने व्यक्तिहरुले आमा समुहलाई धन्यवाद व्यक्त गरेका छन् । उनीहरुले सरकारले क्वारेन्टाइनमा खाना तथा नास्ताहरु खुवाई रहेपनि आफ्नो दायित्व सम्झेर आमा समुहले आफुहरु माथि सहयोग गरेको बताए ।
