बडिगाड अनलाईन,गुल्मी । शनिवार बडिगाड खोलामा बेपत्ता गुल्मीका पुरुषको शव फेला परेको छ ।
गुल्मीको मुसिकोट नगरपालिका वार्ड न ४ का ६० वर्षीय तुलबहादुर अधिकारी मलामी गएको बेला चिप्लिएर बडिगाड खोलामा खसेर वेपत्ता भएका थिए ।
शनिवार प्रहरी र स्थानीयले बडिगाड खोला किनारामा खोज्दा पनि फेला पार्न सकेका थिएनन् ।
आईतबार विहानै देखि खोजि कार्यमा जुटेका प्रहरी र स्थानीयले उनको शव चन्द्रकोट गाउँपालिका र गुल्मीदरबार गाउँपालिका जोड्ने झोलुङ्गे पुल अर्थात चिउरेनी चिर नजिकै बडिगाड खोलामा फेला पारेका हुन् ।
