गुल्मी । गुल्मी जिल्ला अदालतले एक महिला र उनका जुम्लिया दुई छोरीलाई हत्या गरेको कसुरमा गर्ने बागलुङको गलकोट नगरपालिकाका ४६ वर्षीय पूर्णबहादुर सुनारलाई आजीवन कैद सजाय तोकेको छ ।
२०७६ कात्तिक १६ मा मोरङको कानेपोखरी–३ कन्काई घर भई पोखरामा बस्दै आएकी ३२ वर्षीया शिवमाया लिम्बु र उनका सात वर्षीय जुम्लिया छोरी गंगा र जमुनाको हत्या गरेको कसुरमा सुनारलाई अदालतले सजाय सुनाएको हो ।
न्यायाधीश राधाकृष्ण उप्रेतीको सुनारलाई आजीवन कैद सजायको फैसला गरेको अदालतका तहसिलदार रामबहादुर कुँवरले जानकारी दिए । सुनारले शिवमाया र उनका छोरीहरुलाई गुल्मीको चन्द्रकोट गाउँपालिकाको हर्राचौरमा रहेको जंगलमा हत्या गरेका थिए ।
हत्यामा उनका भाइ हर्कबहादुर सुनार र एक नाबालकको पनि सहायता लिएको प्रहरीले जनाएको छ। हर्कबहादुर फरार छन् । नाबालकलाई एक वर्षको कैद हुने गरी फैसला भएको प्रहरीले जनाएको छ । रेडियो सारथी
