नेपाल समाजवादी पार्टी (नेसपा) ले पाकिस्तानमाथि भारतले सुरु गरेको ‘अपरेसन सिन्दूर’ नामक हमलाको समर्थन गरेको छ । वैशाख ९ गते जम्बु कश्मीरको पर्यटकीयस्थल पहलगाममा आतङ्कवादी हमलामा परि एक नेपालीसहित २६ जनाले ज्यान गुमाएका थिए ।
जवाफमा भारतले बुधवार राति पाकिस्तान प्रशासित कश्मीरका ९ वटा स्थलमा हवाई आक्रमण गरेको थियो । नेपाल समाजवादी पार्टीले विज्ञप्ति जारी गर्दै उक्त हवाई आक्रमणलाई समर्थन गरेको जानकारी दिएको हो ।
मिति २०८२–०१०९ मा आतङ्कवादी हमलामा नेपाली नागरिक सुदीप न्यौपानेको ज्यान समेत गएको हुँदा भारतले सुरु गरेको आतङ्कवाद विरुद्धको कार्यवाही अन्तर्गत पाकिस्तानी आतङ्कवादीको आश्रय स्थललाई ध्वस्त पार्ने कार्य मानवतालाई संरक्षण संवद्र्धन तथा आतङ्कवादलाई निस्तेज गर्ने कार्य सराहनीय छ’, जारी विज्ञप्तिमा उल्लेख छ ।
