बाग्लुङ : बाग्लुङको निशिखोलाकी एक महिला ६ दिन देखि सम्पर्क विहिन भएकी छिन् । निसिखोला गाउँपालिका वडा नं २ काल्नेचौर निवासी विमला कुँवर घर्ती यही फाल्गुण १५ गतेदेखि बेपत्ता भएको परिवारले बताएका छन् ।
घरबाट माईती गाउँ बडिगाड गाउँपालिका ७ डाडागाउँ जान्छु भनेर हिँडेकी उनी सोही दिन देखि सम्पर्क विहिन भएको दिदी युमा कुँवर विष्टले जानकारी दिईन् । ‘घरमा माईत जान्छु भनेर हिँडेकी रहेछे, उनले भनिन् आफन्त, छरछिमेक सबैतिर खोजी गर्यौँ । कतै पनि पत्ता लाग्न सकेन् ।’
परिवारले ईलाका प्रहरी कार्यालय बुर्तिबाङमा विमलाको खोजिका लागि निवेदन दिएका छन् । १ वर्ष अगाडी मात्रै विहे गरेकी उनका श्रीमान वैदेशिक रोजगारीका क्रममा हाल दुबईमा रहेका छन् ।
२१ वर्षीय घर्तीलाई खोजि गरि सहयोग गरिदिन् दिदी युमाले आग्रह गरिन् । उनले कहीँ कतै देखे वा भेटे नजिकैको प्रहरी कार्यालय वा सम्पर्क नं ९८४३३६१६६२ मा फोन गर्न आग्रह गरेकी छिन् ।
